1998-ci ildə Faiq Ağayev "İlin konserti" nominasiyasında, 1999-cu ildə isə "Dəşti" klipinə görə "İlin klipi" nominasiyasında "Humay" Milli Mükafatının sahibi olur. Həmçinin 1999-cu ildə o, "İlin müğənnisi" nominasiyasında "Grand" Milli Mükafatını qazanır.

 

2008-ci ilin 17 sentyabr tarixində Faiq Ağayevə Azərbaycan Respublikasının Prezidenti İlham Əliyevin Sərəncamı ilə Azərbaycan Respublikasının Xalq Artisti fəxri adı verilib.

"Bal kimi", "Hiss et", "Odlanacaqsan", "Billahi", "Əlvida" və s. mahnılarının ifaçısıdır. Faiq Ağayev yaradıcılıq fəaliyyəti ərzində 140-dan çox solo konsert verib.