Konsert proqramı kamança ifaçısı Cahandar Mikayılov və nağara ifaçısı Soltan Əliyev tərəfindən hazırlanıb.
Cahandar Mikayılov 1994-cü ildə anadan olub. 2013-cü ildə Asəf Zeynallı adına Musiqi kollecinin “Xalq çalğı alətləri” bölməsinin “Kamança” sinfini bitirib. O, bir çox ölkələrdə qastrollarda müvəffəqiyyətlə çıxış etmişdi, o cümlədən: Türkiyənin Ankara, Trabzon, Giresun və Ordu şəhərlərində, İtaliyanın Roma və Komo şəhərlərində, İran, İspaniya və Rusiya.
Soltan Əliyev 1983-cü ildə anadan olub. 2002-ci ildə Asəf Zeynallı adına Musiqi kollecinin “Xalq çalğı alətləri” bölməsinin “Nağara” sinfini bitirib. Daha sonra Azərbaycan Dövlət Mədəniyyət və İncəsənət Universitetində təhsilini davam etdirərək 2008-ci ildə bakalavr və 2010-cu ildə isə magistr dərəcəsinə yiyələnib. Soltan Əliyev bir sıra xarici qastrollarda Azərbaycan musiqi sənətini məharətlə təmsil etmişdir. Hal-hazırda AMEA Folklor İnstitutunda çalışır.
Tarix: 20 Aprel, 2017
Saat: 19:00
Məkan: YARAT Müasir İncəsənət Mərkəzi, 2-ci mərtəbə, Çoxtəyinatlı zal
Əlaqə telefonu: +99412 505 1414
Giriş sərbəstdir
